ގދ، ގައްދޫ ދާއިރާގެ ކުރީގެ މަޖިލިސް މެންބަރު އަހުމަދު ރަޝީދު އަވަހާރަވެއްޖެ އެވެ.

އެނގިފައިވާ ގޮތުގައި ރަޝީދު އަވަހާރަވެފައިވަނީ ކެންސަރަށް ފަރުވަ ހޯއްދަވަމުން ދަނިކޮށް މިއަދުގެ ވަގުތެއްގަ އެވެ.

ރަޝީދަކީ ގިނަ ދުވަސްތަކެއް ވާންދެން ސިޔާސީ މަސައްކަތްތަކުގައި ހަރަކާތްތެރިވި ބޭފުޅެކެވެ.

ރަޝީދު އަވަހާރަވުމާ ގުޅިގެން މަޖިލީހުގެ ރައީސް އަބްދުއްރަހީމް އަބްދުﷲ މިއަދު "އެކްސް"ގައި ކުރެއްވި ޕޯސްޓެއްގައި ވިދާޅުވީ ރަޝީދަކީ އެކުގައި މަސައްކަތްކުރަން ފަސޭހަ މީހުނާ ގުޅިގެން މަސައްކަތް ކުރެއްވުމުގައި ވަރަށް ފާހަގަ ކުރެވޭ ބޭފުޅެއް ކަމަށެވެ.