ފަހާތަނަކަށް މިންނަގަން ދިޔަ އަންހެނަކަށް ޖިންސީ ގޯނާ ކުރި ބިދޭސީއަކު ހައްޔަރުކޮށްފިއެވެ.

ފުލުހުން މިއަދު ބުނީ މާލޭގެ ފަހާތަނެއްގައި އަންހެނަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއްގައި ބިދޭސީ ފިރިހެނަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

އެކަމާ ގުޅޭ އިތުރު ތަފްސީލު ހާމަ ނުކޮށް ފުލުހުން ބުނީ މައްސަލަ ފުލުހުން ތަހުގީގު ކުރަމުންދާ ކަމަށެވެ.

އެނގިފައިވާ ގޮތުގައި 19 އަހަރުގެ ޒުވާނާއަށް ޖިންސީ ގޯނާ ކޮށްފައިވަނީ ބޮޑުރަސްގެފާނު މަގުގައި ހުންނަ ފެއަރީ ޓެއިލާސްގައި މަސައްކަތް ކުރާ ބިދޭސީއެކެވެ.

އެ އަންހެން މީހާއަށް ޖިންސީ ގޯނާ ކޮށްފައިވަނީ ހެދުމުގެ މިންނެގުމަށް ޗޭންޖިން ރޫމަށް ވެއްދުމަށްފަހުއެވެ.